ദമാം: സഊദി കെഎംസിസി ദേശീയ കമ്മിറ്റി സംഘടിപ്പിച്ചുവരുന്ന സാമൂഹ്യ സുരക്ഷാ പദ്ധതി എട്ടാം വർഷമായ 2021 കാലയളവിലേക്കുള്ള പ്രചാരണ ക്യാമ്പയിൻ ഭാഗമായി കോഴിക്കോട് കുറ്റിച്ചിറ റെയിഞ്ചേഴ്സ്  ക്രിക്കറ്റ് ക്ലബ്ബംഗങ്ങൾ സുരക്ഷാ പദ്ധതി അപേക്ഷ ഫോറം ഏറ്റുവാങ്ങി. ദഹ്റാൻ ക്രിക്കറ്റ് ഗ്രൗണ്ടിൽ നടന്ന ചടങ്ങിൽ കെഎംസിസി അൽകോബാർ സെൻട്രൽ കമ്മിറ്റി പ്രസിഡൻറ്, ജനറൽ സെക്രട്ടറി സിറാജ് ആലുവ എന്നിവർ സുരക്ഷാ പദ്ധതിയെപ്പറ്റി വിശദീകരിച്ചു.

   ദഹ്റാൻ ഏരിയയിൽ 2020 വർഷ സുരക്ഷാപദ്ധതി അംഗമായിരിക്കെ മരണപ്പെട്ട അബ്ദുസ്സലാം മേലാറ്റൂരി ന്റെ വേർപാടിൽ അനുശോചനം അർപ്പിച്ചു. ഹബീബ് പൊയിൽ തൊടി റേഞ്ചേഴ്സ് ടീം ക്യാപ്റ്റൻ നമീർ കുറ്റിച്ചിറ, ടീമംഗങ്ങളായ യ സൈദ്, ഇർഫാൻ, ത്വാഹിർ  എന്നിവർ സംസാരിച്ചു.