കരുളായി: രണ്ടു മാസം പഴക്കമുള്ള പിടിയാനയുടെ ജഡം ക@ണ്ടത്തി. കരുളായി വനം റെയ്ഞ്ച് ഓഫിസിനു കീഴിലെ പടുക്ക ഫോറസ്റ്റ് പരിധിയിലെ നാരങ്ങാമൂല ചേമ്പേന്‍ തരിശ്ശിനോടു ചേര്‍ന്ന ഭാഗത്താണു മൂന്നു വയസു പ്രായമുള്ള പിടിയാനയുടെ ജഡം കണ്ടെത്തിയത്.
ര@ു മാസം പഴക്കമുള്ളത്തിനാല്‍ ആനയുടെ ശരീരം അഴുകയും ശരീര ഭാഗങ്ങള്‍ പന്നിയും മറ്റു മൃഗങ്ങളും ഭക്ഷിച്ചിട്ടുമുണ്ട്. കരുളായി റെയ്‌ഞ്ചോഫിസര്‍ കെ.അഷ്‌റഫിന്റെ നേതൃത്വത്തില്‍ ഫ്‌ളെയിംസ്‌ക്വാഡ് അധികൃതരും വനപാലകരും സ്ഥലത്തെത്തി പരിശോധന നടത്തി. ഇന്നു വെറ്റിനറി സര്‍ജന്‍ എത്തി പോസ്റ്റ് മോര്‍ട്ടം നടത്തും. എന്നാല്‍ ആന ചരിയാന്‍ കാരണം വെടിയേറ്റതാണെന്നാണു പരക്കെയുള്ള വിലയിരുത്തല്‍.