എടപ്പാള്‍: മഴക്കാല രോഗങ്ങള്‍ പകരുന്ന സാഹചര്യത്തില്‍ ജനങ്ങളെ ബോധവത്കരിക്കുന്നതിന്റെ ഭാഗമായി ദാറുല്‍ ഹിദായ ഓര്‍ഫനേജ് ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റിലെ വിദ്യാര്‍ഥികളുടെ നേതൃത്വത്തില്‍ 'ശുചിത്വചിന്ത സുരക്ഷിത ജീവിതം' എന്ന ആരോഗ്യ ബോധവത്കരണ പരിപാടിക്ക് തുടക്കമായി. യൂനിറ്റിന്റെ ദത്തു ഗ്രാമമായ പൊന്‍കുന്നം വാര്‍ഡില്‍ തുടങ്ങിയ പദ്ധതി എടപ്പാള്‍ പഞ്ചായത്ത് പ്രസിഡന്റ് പി.പി ബിജോയ് ഉദ്ഘാടനം ചെയ്തു.
ആരോഗ്യ പ്രവര്‍ത്തകരായ വിജയന്‍, രാഗില്‍ എന്നിവര്‍ ക്ലാസുകള്‍ക്ക് നേതൃത്വം നല്‍കി.
പഞ്ചായത്ത് അംഗം ശോഭന, പ്രോഗ്രാം ഓഫീസര്‍ കബീര്‍, ഒ.ബഷീര്‍,മുഹമ്മദ് ജാസിം,സലീന,ഹഫ്‌സ സംസാരിച്ചു.