ജിദ്ദ: 25 വർഷത്തെ പ്രവാസ ജീവിതം മതിയാക്കി നാട്ടിലേക്കു പോകുന്ന ഫോസ ജിദ്ദ ചാപ്റ്റർ എക്സിക്യൂട്ടീവ് കമ്മിറ്റി അംഗം അൻവർ കാസിമിന്  ഫോസ ജിദ്ദ യാത്രയയപ്പു നല്കി. ജിദ്ദയിലെ സാമൂഹിക - സാംസ്കാരിക പ്രവർത്തനങ്ങളിൽ നിറ സാനിധ്യമായ അൻവർ സിക്രട്ടറി, ട്രഷറർ എന്നീ സ്ഥാനങ്ങൾ വഹിച്ചിട്ടുണ്ട്. ജിദ്ദയിലെ വാരാന്ത്യ യാത്രാ കൂട്ടായ്മയുടെ അമരക്കാരൻ കൂടിയാണ്. അൽ സവാനി ഗ്രൂപ്പിൽ സിസ്റ്റംസ് മാനേജറായി സേവനം ചെയ്യവേയാണ് പ്രവാസം അവസാനിപ്പിക്കുന്നത്.

      യാത്രയയപ്പ് യോഗത്തിൽ ചാപ്റ്റർ പ്രസിഡന്റ് അഷ്‌റഫ് മേലേവീട്ടിൽ അധ്യക്ഷത വഹിച്ചു.  ഉപഹാര പ്രസിഡന്റ് അഷ്‌റഫ് മേലേവീട്ടിൽ ഉപഹാരം നൽകി. ബഷീർ അംബലവന്‍, സി. എച്. ബഷീർ, അഷ്‌റഫ് കോമു, നാസര്‍ ഫറോക്ക്, റസാഖ് മാസ്റ്റർ, സലാം ചാലിയം,  ഇഖ്ബാല്‍ സി കെ പള്ളിക്കല്‍, കെ.എം.  മുഹമ്മദ് ഹനീഫ, ഹാരിസ് തൂണിച്ചേരി, സാഹിദ്  കൊയപ്പത്തൊടി സംബന്ധിച്ചു. സാലിഹ് കാവോട്ട് സ്വാഗതവും ലിയാഖത്ത് കോട്ട നന്ദിയും പറഞ്ഞു. അൻവർ കാസിം മറുപടി പ്രസംഗം നടത്തി.