കോട്ടക്കല്‍: നിയന്ത്രണം വിട്ട ലോറി ഡിവൈഡറില്‍ കയറി എതിരേ വന്ന ബസിലിടിച്ച് എട്ട് പേര്‍ക്ക് പരുക്ക്. ഇന്നലെ വൈകീട്ട് ചങ്കുവെട്ടി ദേശീയപാതയില്‍ ആയുര്‍വേദ കോളേജിന് സമീപമാണ് അപകടം നടന്നത്. ബസിനു പിറകെ വന്ന ബൈക്ക് യാത്രക്കാരനും പരുക്കേറ്റിട്ടുണ്ട്.
ബസ് യാത്രികരായ തെന്നല സ്വദേശികളായ ഹാജറ (50), സാജിദ (35), നസീറ (29), ബില്‍ഹറാണി(27), ഹുസൈന്‍ (32), പാലച്ചിറമാട് സ്വദേശികളായ നൗഷാദ് (22), സഫീര്‍ (20), കോട്ടക്കല്‍ സ്വദേശി ഓമന (61) എന്നിവര്‍ക്കാണ് പരുക്കേറ്റത്. ഇവരെ ചങ്കുവെട്ടി സ്വകാര്യ ആശുപത്രിയില്‍ പ്രവേശിപ്പിച്ചു.

എടരിക്കോട് ഭാഗത്തേക്ക് പോകുയായിരുന്ന ലോറിയും കോട്ടക്കലിലേക്ക് വരുന്ന ബസുമാണ് കൂട്ടിയിടിച്ചത്.