വൈക്കം: ബൈബിള്‍ കണ്‍വന്‍ഷന്‍ നാളെ മുതല്‍ 21 വരെ നടക്കും. വൈക്കം ഫൊറോനയിലെ 19 ഇടവകകളുടെ സംയുക്താഭിമുഖ്യത്തില്‍ എല്ലാ ദിവസവും വൈകുന്നേരം നാലുമുതല്‍ രാത്രി ഒന്‍പത് വരെയാണ് കണ്‍വന്‍ഷന്‍.
കണ്‍വന്‍ഷന്റെ ഭാഗമായി നടത്തുന്ന വിശുദ്ധ കുര്‍ബാന, വചനശുശ്രൂഷ, സ്തുതി ആരാധനകള്‍, ഗാനശുശ്രൂഷ, സൗഖ്യശുശ്രൂഷ, ആരാധന എന്നിവയ്ക്ക് ശാലോം ടീം നേതൃത്വം നല്‍കും. പങ്കെടുക്കുന്നവരുടെ സൗകര്യാര്‍ത്ഥം വാഹന സൗകര്യവും ക്രമീകരിച്ചിട്ടുണ്ട്.
ഫൊറോനയിലെ വൈദികരും അല്‍മായരും അടങ്ങുന്ന 101 അംഗ കമ്മിറ്റിയാണ് പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്. കണ്‍വന്‍ഷനുള്ള ഒരുക്കങ്ങള്‍ പൂര്‍ത്തിയായതായും ഏഴായിരത്തോളം വിശ്വാസികള്‍ കണ്‍വന്‍ഷനില്‍ പങ്കുചേരുമെന്നും ഭാരവാഹികള്‍ പത്രസമ്മേളനത്തില്‍ അറിയിച്ചു.