തളിപ്പറമ്പ്: കോണ്‍ഗ്രസ് മുക്ത ഭാരതം എന്നത് മലര്‍പൊടിക്കാരന്റെ സ്വപ്‌നം മാത്രമാണെന്ന് കെ.പി.സി.സി.ജനറല്‍ സെക്രട്ടറി  സുമാ ബാലകൃഷ്ണന്‍. കേരള എന്‍.ജി.ഒ അസോസിയേഷന്‍ തളിപ്പറമ്പ് ബ്രാഞ്ച് വാര്‍ഷിക സമ്മേളനം ഉദ്ഘാടനം ചെയ്യുകയായിരുന്നു അവര്‍.
പൊതുമാനദണ്ഡം ലംഘിച്ച് സ്ഥലം മാറ്റത്തിന്റെ പേരില്‍ ജീവനക്കാരെ ദ്രോഹിക്കുന്ന നടപടി അവസാനിപ്പിക്കുക. കെ.എ.എസ് അപാകതകള്‍ പരിഹരിക്കുക, മിനിസിവില്‍ സ്റ്റേഷന്റെ ഭൗതിക സൗകര്യങ്ങളുടെ അപര്യാപ്തത പരിഹരിക്കുക, താലൂക്ക് ഓഫിസ് കോമ്പൗണ്ടില്‍ തെരുവുനായ വളര്‍ത്തല്‍ നിയന്ത്രിക്കാന്‍ നടപടി സ്വീകരിക്കുക എന്നീ കാര്യങ്ങള്‍ പ്രമേയത്തിലൂടെ ആവശ്യപ്പെട്ടു. ബ്രാഞ്ച് പ്രസിഡന്റ് പി.വി വിനോദ് അധ്യക്ഷനായി. സി.ടി സുരേന്ദ്രന്‍, ടി. മോഹന്‍കുമാര്‍, നാരായണന്‍കുട്ടി മണിയേരി, കെ.പി ഗിരീഷ്‌കുമാര്‍, കെ.പി ഹാരിസ്, എം. കല്‍പ്പന സംസാരിച്ചു. യാത്രയയപ്പ് സമ്മേളനം ജില്ലാ പ്രസിഡന്റ് കെ.കെ രാജേഷ് ഖന്ന ഉദ്ഘാടനം ചെയ്തു. കെ.വി അബ്ദുല്‍ റഷീദ്, എം.പി ഷനീജ് സംസാരിച്ചു.
ഭാരവാഹികള്‍: പി.വി വിനോദ്(പ്രസി.), എസ്. തോമസ് കുട്ടി, പ്രഭാകരന്‍ പിലാക്കല്‍, എം.കെ കാഞ്ചനകുമാരി, കെ.വി ജിജു(വൈസ് പ്രസി.), എ. കല്‍പ്പന(സെക്ര.), എം. സനീഷ്, വി.പി ബാബു, ടി. ശിവദാസന്‍, ജസ്റ്റിന്‍ വര്‍ഗീസ്(ജോ. സെക്ര.), വി.ആര്‍ ലാല്‍ജിത്ത്(ട്രഷറര്‍).