കമ്പളക്കാട്: അന്‍സാരിയ്യ മദ്‌റസയില്‍ പ്രവേശനം നേടിയ വിദ്യാര്‍ഥികള്‍ക്കുള്ള പഠനാരംഭവും സമസ്ത പൊതു പരീക്ഷയില്‍ ഉന്നത വിജയം നേടിയവര്‍ക്കുള്ള അനുമോദനവും സംഘടിപ്പിച്ചു. മദ്‌റസ മാനേജ്‌മെന്റ് പ്രസിഡന്റ് പി.സി ഇബ്രാഹീം ഹാജി അധ്യക്ഷനായി. കെ മുഹമ്മദ് കുട്ടി ഹസനി ഉദ്ഘാടനം ചെയ്തു. അബൂബക്കര്‍ മുസ്‌ലിയാര്‍ വൈത്തിരി, വി.വി കുഞ്ഞാലന്‍ മുസ്‌ലിയാര്‍, വി.കെ മോയിന്‍ മുസ്‌ലിയാര്‍ എന്നിവര്‍ വിദ്യാര്‍ഥികളെ സ്വീകരിച്ചു. സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന ട്രഷറര്‍ എം.എം ഇമ്പിച്ചിക്കോയ മുസ്‌ലിയാര്‍ വിദ്യാര്‍ഥികള്‍ക്ക് പാഠഭാഗം ചൊല്ലികൊടുത്തു. സ്വദര്‍ മുഅല്ലിം എം.എ ഇസ്മാഈല്‍ ദാരിമി മുഖ്യപ്രഭാഷണം നടത്തി. പൊതു പരീക്ഷയില്‍ ഉന്നത വിജയം നേടിയവര്‍ക്ക് കെ.കെ മുത്തലിബ് ഹാജി, കെ.സി മൂസ ഹാജി എന്നിവര്‍ ഉപഹാരം നല്‍കി. മുഫത്തിശ് ഹനീഫല്‍ ഫൈസി, സി.പി ഹാരിസ് ബാഖവി, വി.പി ശുകൂര്‍ ഹാജി, ഹംസ മൗലവി, റഫീഖ് യമാനി, അബ്ദുസലാം അസ്ഹരി എന്നിവര്‍ സംസാരിച്ചു. മനേജ്‌മെന്റ് ജനറല്‍ സെക്രട്ടറി കെ.കെ അബ്ദുല്‍ അസീസ് ഹാജി സ്വാഗതവും സെക്രട്ടറി കെ.എം മുഹമ്മദലി നന്ദിയും പറഞ്ഞു. ത്വല്‍ഹത്ത്, ശമീര്‍, റഷീദ്, ഹാശിം എന്നിവര്‍ നേതൃത്വം നല്‍കി.
മുട്ടില്‍: മുനവ്വിറുല്‍ ഇസ്‌ലാം മദ്‌റസയില്‍ പ്രവേശനോത്സവം സംഘടിപ്പിച്ചു. ശിഹാബുദ്ദീന്‍ തങ്ങള്‍ കാവന്നൂര്‍ ഉദ്ഘാടനം ചെയ്തു. അഹ്മദ്കുട്ടി ഫൈസി പ്രാര്‍ഥനക്ക് നേതൃത്വം നല്‍കി. മഹല്ല് പ്രസിഡന്റ് എ മൂസ ഹാജി അധ്യക്ഷനായി. മഹല്ല് ഖതീബ് മുഹമ്മദലി യമാനി, മഹല്ല് സെക്രട്ടറി മുസ്തഫ ഹാജി, മുഹമ്മദ്ഷാ മാസ്റ്റര്‍, ശക്കീര്‍ കല്ലടത്ത്, റസാഖ് മൗലവി സംസാരിച്ചു. ചടങ്ങില്‍ സമസ്ത പൊതു പരീക്ഷയിലും വാര്‍ഷിക പരീക്ഷയിലും മികച്ച വിജയം നേടിയ വിദ്യാര്‍ഥികള്‍ക്ക് ഉപഹാരം നല്‍കി.