വാടാനപ്പള്ളി: വാടാനപ്പള്ളി ഗ്രാമപഞ്ചായത്ത് ഒന്‍പതാം വാര്‍ഡിലേക്കുള്ള ഉപതെരഞ്ഞെടുപ്പ് ഇന്ന് നടക്കും. രാവിലെ ഏഴു മുതല്‍ വൈകീട്ട് അഞ്ച് വരെ നടുവില്‍ക്കര ബോധാനന്ദ വിലാസം എല്‍പി സ്‌കൂളിലെ ബൂത്തിലാണ് വോട്ടെടുപ്പ് നടക്കുക. 1187 പേരാണ് ഒന്‍പതാം വാര്‍ഡില്‍ ഉള്ളത്. യു.ഡി.എഫ്, എല്‍.ഡി.എഫ്, ബി.ജെ.പി സ്ഥാനാര്‍ഥികള്‍ മത്സര രംഗത്തുണ്ട്. സിപിഎം മുന്‍ ബ്രാഞ്ച് സെക്രട്ടറി വി ജി അനില്‍ ലാലാണ് എല്‍ഡിഎഫ് സ്ഥാനാര്‍ഥി. കോണ്‍ഗ്രസ് മണ്ഡലം പ്രസിഡന്റ് ഇ ബി ഉണ്ണികൃഷ്ണന്‍ യുഡിഎഫ് സ്ഥാനാര്‍ഥിയും ബിജെപി മണലൂര്‍ മണ്ഡലം വൈസ് പ്രസിഡന്റ് കെ എസ് ധനീഷ് ബിജെപി സ്ഥാനാര്‍ഥിയുമാണ്. സി.പി.എമ്മിലെ ഷിജു കുട്ടനെല്ലൂര്‍ കെ.എസ്.ആര്‍.ടി.സിയില്‍ ജോലി ലഭിച്ചതിനെ തുടര്‍ന്ന് രാജി വെച്ചതോടെയാണ് ഉപതെരഞ്ഞെടുപ്പ് നടക്കുന്നത്.