ലക്‌നോ: യു.പിയില്‍ ഐ.എ.എസ് ഓഫിസറുടെ മൃതദേഹം റോഡരികില്‍ ഉപേക്ഷിക്കപ്പെട്ട നിലയില്‍ കണ്ടെത്തി. കര്‍ണാടക കേഡറിലെ അനുരാഗ് തിവാരിയെയാണ് മരിച്ച നിലയില്‍ കണ്ടെത്തിയത്.

ഹസ്രത്തഗഞ്ച് ഏരിയയിലെ മീരാഭായി ഗസ്റ്റ് ഹൗസിന് സമീപമാണ് മൃതദേഹം കണ്ടത്. രണ്ടു ദിവസമായി ഇയാള്‍ ഈ ഗസ്റ്റ് ഹൗസില്‍ തങ്ങുകയായിരുന്നുവെന്നാണ് റിപ്പോര്‍ട്ട്.

സമീപവാസികളായ ആളുകള്‍ അറിയിച്ചതിനെ തുടര്‍ന്ന് സ്ഥലത്തെത്തിയ പൊലിസ് ഐ.ഡി കാര്‍ഡില്‍ നിന്നാണ് അനുരാഗിനെ തിരിച്ചത്.

മരണത്തില്‍ ദുരൂഹതയുണ്ടെന്ന് പൊലിസ് പറഞ്ഞു.