വേങ്ങര: ഉപതെരഞ്ഞെടുപ്പ് നടന്ന കണ്ണമംഗലം ഒന്നാംവാര്‍ഡ് ചെങ്ങാനിയില്‍ കനത്ത പോളിങ്. രണ്ടു ബൂത്തുകളിലായി 81 ശതമാനം പേര്‍ വോട്ടുചെയ്തു. വോട്ടിങ് കേന്ദ്രമായ ചെങ്ങാനി കാരാട്ടാലുങ്ങല്‍ മുനവ്വിറുല്‍ ഇസ്‌ലാം മദ്‌റസയില്‍ വളരെ സമാധാനപരമായാണ് വോട്ടെടുപ്പ് നടന്നത്.
ആലംകോട് പഞ്ചായത്തിലെ ചിയ്യാനൂര്‍ ഉള്‍പ്പെട്ട എട്ടാം വാര്‍ഡില്‍ 71.39 ശതമാനമാണ് പോളിങ്. രണ്ടു ബൂത്തുകളിലായി മൊത്തം 1,685 വോട്ടര്‍മാരില്‍ 1,203 പേര്‍ വോട്ടു രേഖപ്പെടുത്തി. ചങ്ങരംകുളം എസ്.ഐ, പൊന്നാനി സി.ഐ അടക്കമുള്ള ഉദ്യോഗസ്ഥര്‍ സുരക്ഷ ഒരുക്കിയിരുന്നു
രാവിലെ ഏഴിനു പോളിങ് ആരംഭിക്കുന്നതിനു മുന്‍പേ വോട്ടര്‍മാര്‍ ബൂത്തിലെത്തിയിരുന്നു. വോട്ടെടുപ്പ് വൈകിട്ട് അഞ്ചിന് അവസാനിച്ചു. ഇന്നു രാവിലെ പത്തോടെ ഫലമറിയാം.