മലപ്പുറം: കാലിക്കറ്റ് സര്‍വകലാശാല ബിരുദ പ്രവേശനത്തിനുള്ള ഏകജാലകം ശനിയാഴ്ച ആരംഭിക്കും. ഏകജാലക ഓണ്‍ലൈന്‍ രജിസ്‌ട്രേഷന്‍ കാര്യക്ഷമമായി നടപ്പിലാക്കുന്നതിന് അക്ഷയ സംരംഭകര്‍ക്ക് ഇന്നു ശില്‍പശാല നടത്തും. സര്‍വകലാശാലാ പരിധിയിലുള്ള ജില്ലകളിലെ അക്ഷയ സംരംഭകര്‍ക്കായുള്ള ശില്‍പശാല രാവിലെ പത്തിനു യൂനിവേഴ്‌സിറ്റി സെമിനാര്‍ ഹാളിലാണ് നടക്കുക.
ഏകജാലകം സംബന്ധിച്ച് അക്ഷയ സംരംഭകര്‍ക്കു പരിശീലനം നല്‍കണമെന്നാവശ്യപ്പെട്ട് ഐ.ടി എംപ്ലോയീസ് യൂനിയന്‍ യൂനിവേഴ്‌സിറ്റി വൈസ് ചാന്‍സലറെ നേരില്‍കണ്ടു നിവേദനം നല്‍കിയിരുന്നു.