കരൂപ്പടന്ന: വേനലിന്റെ കാഠിന്യത്തില്‍ ജല സ്രോതസുകള്‍ വറ്റിവരണ്ട നാടിന് ആശ്വാസമായി കടലായി മഹല്ല് ആന്‍ഡ് പ്രവാസി അസോസിയേഷന്‍ ആരംഭിച്ച കുടിവെള്ള വിതരണം ഒരു മാസം പിന്നിടുന്നു.
 കുടിവെള്ള ക്ഷാമം രൂക്ഷമായ കാരുമാത്ര ബാങ്ക് പരിസരം, കെ.കെ റോഡ്, കാട്ടുങ്ങല്‍ ഭാഗം, പട്ടാണിക്കുന്ന്, പത്തിരി പാലപ്പം റോഡ്, പുതുക്കാട്ടിപ്പാലം റോഡ്, മദ്രസകുന്ന്, കടലായി ട്രാന്‍സ്‌ഫോര്‍മര്‍ പരിസരം, കരൂപ്പടന്ന ബണ്ട് പരിസരം, കടലായി കാരുമാത്ര റോഡിന്റെ ഇരുവശങ്ങള്‍ എന്നി പ്രദേശങ്ങളില്‍ ആണ് ദിനം പ്രതി വെള്ളമെത്തിക്കുന്നത്.
ഷിഹാബ് എം.എയുടെ നേതൃത്വത്തില്‍ സക്കരിയ കെ.എ, നഹാസ് ടി.എന്‍, അയൂബ് സി.എസ്, ഹുസൈന്‍ ടി.എ, ഷഫീര്‍ എം.എ, ഹാഷിം വി.എച്ച്, റിയാസ് സി.എസ് എന്നിവരാണ് കുടിവെള്ള വിതരണം നടത്തുന്നത്.
പ്രവാസി അസോസിയേഷന്‍ ഭാരവാഹികളായ ടി.എ.എം ബഷീര്‍ (പ്രസിഡന്റ്) എ.എ യൂനസ് (സെക്രട്ടറി) ടി.കെ ഷറഫുദ്ദീന്‍ (ട്രഷറര്‍) സജീവമാണ്. വേനല്‍ മാറി മഴ സുലഭമായി ലഭിക്കുന്നത് വരെ കുടിവെള്ളം വിതരണം ചെയ്യും.