ശ്രീനഗര്‍: ബി.ജെ.പിക്കെതിരെ ആഞ്ഞടിച്ച് നാഷണല്‍ കോണ്‍ഫറന്‍സ് നേതാവ് ഫാറൂഖ് അബ്ദുല്ല. ഞങ്ങള്‍ രാജ്യത്തിന്റെ ശത്രുക്കളല്ലെന്നും ബി.ജെ.പിയുടെ ശത്രുക്കള്‍ മാത്രമാണെന്നും ഫാറൂഖ് അബ്ദുല്ല പറഞ്ഞു.

'അവര്‍ക്ക് ഹിന്ദുക്കളെയും മസ്ലിംകളെയും ക്രിസ്ത്യാനികളെയും സിഖുകളെയും വെവ്വേറെ ഒറ്റപ്പെടുത്തണം. ഞങ്ങള്‍ എല്ലാവരും തുല്യരായ മഹാത്മാ ഗാന്ധിയുടെ ഇന്ത്യയില്‍ വിശ്വസിക്കുന്നു'- ഫാറൂഖ് അബ്ദുല്ല പറഞ്ഞു.

ജമ്മു കശ്മീരിലെ പ്രതിപക്ഷ പാര്‍ട്ടികളുടെ സംഘത്തെ 'ഗ്യാങ്' എന്നു വിശേഷിപ്പിച്ചതിനെയും ഫാറൂഖ് അബ്ദുല്ല വിമര്‍ശിച്ചു. ഞങ്ങള്‍ ഗ്യാങ്ങല്ലെന്നും പാര്‍ട്ടി സഖ്യമാണെന്നും അദ്ദേഹം പറഞ്ഞു. ഞങ്ങളെ ഗ്യാങ് എന്നു വിളിച്ചവര്‍ ഏറ്റവും വലിയ തീവെട്ടിക്കൊള്ളക്കാരാണ്. അതുകൊണ്ടാണ് അവര്‍ എല്ലാവരെയും ഗ്യാങ് ആയി കാണുന്നത്. ഞങ്ങള്‍ തെരഞ്ഞെടുപ്പ് ഒറ്റക്കെട്ടായി നേരിടുമെന്നും ഫാറൂഖ് അബ്ദുല്ല പറഞ്ഞു.