തൃക്കരിപ്പൂര്‍: സംസ്ഥാന ജൂനിയര്‍ ഫുട്‌ബോള്‍ ചാംപ്യന്‍ഷിപ്പില്‍നിന്ന് ആലപ്പുഴയും പത്തനംതിട്ടയും പുറത്ത്. ഇന്നലെ വൈകിട്ട് ഗ്രൂപ്പ് ബിയില്‍ നടന്ന രണ്ടണ്ടാം മത്സരത്തിലും പരാജയപ്പെട്ടതോടെയാണ് ഇരു ടീമുകളുടെയും സെമി പ്രതീക്ഷ അവസാനിച്ചത്. ഇന്നലെ രാവിലെ നടന്ന മത്സരത്തില്‍ കാസര്‍കോട് എതിരില്ലാത്ത അഞ്ചു ഗോളുകള്‍ക്കാണ് ആലപ്പുഴയെ തോല്‍പ്പിച്ചത്. മുഹമ്മദ് അംജാദ്, അഹമ്മദ് സ്വാബിഹ്, ജ്യോതിശ്, അക്ഷയ് മണി, അതുല്‍ ഗണേഷ് എന്നിവരാണ് കാസര്‍കോടിനായി സ്‌കോര്‍ ചെയ്തത്.
എതിരില്ലാത്ത മൂന്ന് ഗോളുകള്‍ക്ക് വയനാടിനോടാണ് പത്തനംതിട്ട തോറ്റത്. വയനാടിനായി മുഹമ്മദ് സഫ്‌വാന്‍ ഇരട്ട ഗോളുകള്‍ നേടി.