പെരുവള്ളുര്‍: ഗ്രാമ പഞ്ചായത്ത് കുടുംബശ്രീയുടെ 19-ാം വാര്‍ഷികാഘോഷം സംഘടിപ്പിച്ചു. അയല്‍കൂട്ടങ്ങള്‍ക്കുള്ള റിവോള്‍വിംഗ് ഫണ്ട്, മാച്ചിങ് ഗ്രാന്റ്, സംഘ കൃഷി ഗ്രൂപ്പുകള്‍ക്കുള്ള ഇന്‍സെന്റീവ് വിതരണവും വേദിയില്‍ നടന്നു. ആശ്രയ ഗുണഭോക്താക്കള്‍ക്ക് ഏഴാം വാര്‍ഡ് അംഗം പി.എം അഷ്‌റഫ് സൗജന്യമായി നല്‍കിയ വസ്ത്രകിറ്റ് വിതരണവും വേദിയില്‍ നടത്തി.
വാര്‍ഷികാഘോഷം ബ്ലോക്ക് പഞ്ചായത്ത് പ്രസിഡന്റ് കെ കലാം മാസ്റ്റര്‍ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് പി.കെ റംല അധ്യക്ഷയായി. ഇസ്മാഈല്‍ കാവുങ്ങല്‍, വേണുഗോപാല്‍, പി.സി ബീരാന്‍കുട്ടി, പി.എം അഷ്‌റഫ്, ടി മുനീര്‍, ടി അയ്യപ്പന്‍, ശിവന്‍കുട്ടി, സുനില്‍, പി റസിയ, കെ ജമീല, ശൈലജ, പി.പി തസ്‌ലീന, കെ.ടി സാജിത സംസാരിച്ചു.