കോഡൂര്‍: ചെമ്മങ്കടവ് പി.എം.എസ്.എ.എം.എ ഹയര്‍സെക്കന്‍ഡറി സ്‌കൂള്‍ വിദ്യാര്‍ഥികളുടെ 'സഹപാഠിക്കൊരു വീട് ' പദ്ധതി പ്രകാരം നിര്‍മിച്ച ഭവനം കൈമാറി. രണ്ട് വര്‍ഷത്തിനിടെ ചെമ്മങ്കടവ് സ്‌കൂളിലെ വിദ്യാര്‍ഥികള്‍ നിര്‍മിച്ച് നല്‍കുന്ന മൂന്നാമത്തെ വീടാണിത്.
വീടിന്റെ താക്കോല്‍ദാനം ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ നിര്‍വഹിച്ചു.
പി.ടി.എ പ്രസിഡന്റ് എന്‍. കുഞ്ഞീതു അധ്യക്ഷനായി.
പഞ്ചായത്തംഗം സജ്‌നമോള്‍ ആമിയന്‍, സ്‌കൂള്‍ പ്രഥമാധ്യാപകന്‍ പി. മുഹമ്മദ് അബ്ദുല്‍ നാസര്‍, എം. സിദ്ദീഖ്, വരിക്കോടന്‍ അബ്ദുറഹൂഫ്, സ്‌കൂള്‍ മാനേജര്‍ എന്‍.കെ. കുഞ്ഞിമുഹമ്മദ്, ടി.എ കബീര്‍, എന്‍.എസ്.എസ് പ്രോഗ്രാം ഓഫിസര്‍ എന്‍.കെ ഹഫ്‌സല്‍ റഹ്മാന്‍, സ്‌കൗട്ട് ടീം ലീഡര്‍ സഞ്ജയ് സംസാരിച്ചു.