തൃക്കരിപ്പൂര്‍: ആവേശ തുഴയെറിയാന്‍ ഇക്കുറിയും കവ്വായികായലില്‍ മലബാര്‍ ജലോത്സവം. കഴിഞ്ഞ വര്‍ഷമാണ് തിരുവോണ നാളില്‍ മെട്ടമ്മല്‍ ബ്രദേഴ്‌സ്  മലബാര്‍ ജലോത്സവത്തിന് തുടക്കമിട്ടത്.
കവ്വായിക്കായലില്‍ നടക്കുന്ന ജലോത്സവം ഇരു കരകളില്‍ നിന്നും വ്യക്തമായി കാണാന്‍ കഴിയുക എന്നതാണ് കവ്വായിക്കയാലിലെ ജലോത്സവത്തിന്റെ പ്രത്യേകതയും. ജലോത്സവത്തിന്റെ നടത്തിപ്പിനായി വിപുലമായ സംഘാടക സമിതി രൂപീകരിച്ചു. പി.കരുണാകരന്‍ എം.പി.ഉദ്ഘാടനം ചെയ്തു.
വി.വി.സുബൈര്‍ അധ്യക്ഷത വഹിച്ചു. എം.രാജഗോപാലന്‍ എം.എല്‍.എ, ഗ്രാമപഞ്ചായത്ത് വൈസ് പ്രസിഡന്റ് എന്‍.സുകുമാരന്‍, മുന്‍ എം.എല്‍.എ കെ.കുഞ്ഞിരാമന്‍, ജില്ലാ പഞ്ചായത്ത് അംഗം വി.പി.പി മുസ്തഫ, ഗ്രാമ പഞ്ചായത്ത് സ്ഥിരം സമിതി അധ്യക്ഷ കെ.റീത്ത, പഞ്ചായത്ത് അംഗം സത്താര്‍ വടക്കുമ്പാട്, ജില്ലാ ടൂറിസം പ്രമോഷന്‍ കൗണ്‍സില്‍ എക്‌സിക്യൂട്ടീവ് അംഗങ്ങളായ അഡ്വ.കെ.കെ.രാജേന്ദ്രന്‍, പി.കെ.ഫൈസല്‍, വ്യാപാരി വ്യവസായി ഏകോപന സമിതി ജില്ലാ വൈസ് പ്രസിഡന്റ് കെ.വി.ലക്ഷ്മണന്‍, ക്ലബ്ബ് സെക്രട്ടറി ജുനൈദ് മെട്ടമ്മല്‍, കെ.സജീവന്‍ എന്നിവര്‍ പ്രസംഗിച്ചു.
ജലോത്സവ സംഘാടക സമിതി ഭാരവാഹികള്‍: എം.രാജഗോപാലന്‍ എം.എല്‍.എ (ചെയര്‍മാന്‍)ജില്ലാ പഞ്ചായത്ത് പ്രസിഡന്റ് എ.ജി.സി.ബഷീര്‍(ജനറല്‍ കണ്‍വീനര്‍) കെ.ഗംഗാധരന്‍(കണ്‍വീനര്‍). ഏഴ് സബ് കമ്മിറ്റികളും രൂപീകരിച്ചു.