ജിദ്ദ: കേരളത്തിലെ പ്രളയ ദുരിത ബാധിതരെ സഹായിക്കാന്‍ സഊദിയിലെ നാടക പ്രവര്‍ത്തകര്‍ ഒരുങ്ങുന്നു. പ്രളയത്തില്‍ അകപ്പെട്ടവരെ സഹായിക്കുന്നതിന് റിയാദില്‍ ഇന്ന് നടക്കുന്ന നാടകവേദിയുടെ കുടുംബ സംഗമത്തോട് കൂടിയാണ് തുടക്കം കുറിക്കുന്നത്. സഊദി അറേബ്യയില്‍ കേരള സംഗീത നാടക അക്കാദമിയുടെ അഗീകാരത്തോടെ പ്രവര്‍ത്തിക്കുന്ന ഏക കലാസമിതിയായ 'നാടകം ഡോട്ട് കോം, റിയാദ് നാടകവേദി ആന്‍ഡ് ചില്‍ഡ്രന്‍ തിയറ്ററാ'ണ് ഇതിന് പിന്നില്‍. 'പ്രളയകാലം' എന്ന ശീര്‍ഷകത്തിലാണ് ഈ സംരംഭത്തിന് തുടക്കംകുറിക്കുന്നത്.