പറവൂര്‍: ചെട്ടിക്കാട് വി.അന്തോണീസ് തീര്‍ഥാടന കേന്ദ്രത്തില്‍ മത സൗഹാര്‍ദ്ദ സമ്മേളനവും സ്‌നേഹസാന്ത്വന ചികിത്സാ സഹായ വിതരണവും നടത്തി.
കൊടുങ്ങല്ലൂര്‍ ചേരമാന്‍ മസ്ജിദ് ഇമാം അല്‍ഖാസിമി, തൃപ്രയാര്‍ കപിലാശ്രമം മഠാധിപതി സ്വാമി തേജസ്വരൂപാനന്ദ, ഫാദര്‍ ജോയ് കല്ലറക്കല്‍ എന്നിവര്‍ ചേര്‍ന്നു വെള്ളരിപ്രാവുകളെ പറത്തി ഉദ്ഘാടനം ചെയ്തു.
ചടങ്ങില്‍ നിര്‍ധനരായ 200 രോഗികള്‍ക്ക് ഡയാലിസിസിനുള്ള സാമ്പത്തിക സഹായം വിതരണം ചെയ്തു. സിനിമ താരങ്ങളായ ബൈജു ജോസ്, ബാബു ജോസ് ഫാ.ലിനു പുത്തന്‍ചക്കാലകല്‍, ആന്റോ പടമാട്ടുമ്മല്‍ , ജോസഫ് കുറുപ്പശേരി തുടങ്ങിയവര്‍ സംസാരിച്ചു.