ആലപ്പുഴ : സമസ്ത കേരള സുന്നി വിദ്യാര്‍ഥി ഫെഡറേഷന്‍ ആലപ്പുഴ മേഖലാ സില്‍വര്‍ ജൂബിലി സമ്മേളനത്തിന് ഇന്ന് തുടക്കമാകും. സൈനുല്‍ ഉലമ നഗറില്‍ (ലജനത്ത് മുഹമ്മദീയ ഗ്രൗണ്ട്) മൂന്ന് ദിവസങ്ങളിലായി നടക്കുന്ന പരിപാടികള്‍ക്ക് ഇന്ന് വൈകുന്നേരം നാലിന് ജില്ലാ സെക്രട്ടറി ഉസ്മാന്‍ സഖാഫി പതാക ഉയര്‍ത്തുന്നതോടെ തുടക്കമാകും. ഏഴിന് നടക്കുന്ന പൊതുസമ്മേളനം പാണക്കാട് സയ്യിദ് അബ്ബാസ് അലി തങ്ങള്‍ ഉദ്ഘാടനം ചെയ്യും. ജലീല്‍ റഹ്മാനി വാണിയന്നൂര്‍ മുഖ്യപ്രഭാഷണം നടത്തും. സയ്യിദ് നജ്മുദ്ധീന്‍ പൂക്കോയ തങ്ങള്‍ യമാനി മജ്‌ലിസുന്നൂറിന് നേതൃത്വം നല്‍കും.
20 ന് രാവിലെ പത്തിന് നടക്കുന്ന പ്രതിനിധി സമ്മേളനം പാണക്കാട് സയ്യിദ് ഹൈദ്രലി തങ്ങള്‍ ഉദ്ഘാടനം ചെയ്യും. ജില്ലാ പ്രസിഡന്റ് സി മുഹമ്മദ് അല്‍ഖാസിമി അധ്യക്ഷനാകും. മുസ്ലിംലീഗ് ജില്ല ജനറല്‍ സെക്രട്ടറി എ എം നസീര്‍ പ്രസംഗിക്കും.ആസിഫ് ദാരിമി പുളിക്കല്‍ , ഡോ. അബ്ദുല്‍ റബ്ബ് വാഫി അല്‍അസ്ഹരി,സ ഷാഹുല്‍ ഹമീദ് മാസറ്റര്‍ മേല്‍മുറി, എം ടി അബൂബക്കര്‍ ദാരിമി തുടങ്ങിയവര്‍ വിഷയാവതരണം നടത്തും. വൈകിട്ട് 8ന് നടക്കുന്ന മതവിജ്ഞാന സദസ് മംഗലാപുരം ഖാസി ത്വാഖാ അഹ്മദ് മൗലവി ഉദ്ഘാടനം ചെയ്യും. ഹാഫീള് ഷമീസ് ഖാന്‍ നാഫിഈ മുഖ്യപ്രഭാഷണം നടത്തും. 21ന് വൈകിട്ട് നാലിന് ഇ എം എസ് സ്റ്റേഡിയത്തില്‍നിന്നും സന്ദേശ റാലി ആരംഭിക്കും. ലജനത്ത് മുഹമ്മദീയ ഗ്രൗണ്ടില്‍ സമാപിക്കും. ഏഴിന് നടക്കുന്ന സമാപന സമ്മേളനം സമസ്ത അധ്യക്ഷന്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. സ്വാഗത സംഘം ചെയര്‍മാന്‍ പി.എ ഷിഹാബുദ്ധീന്‍ മുസ്ലിയാര്‍ അധ്യക്ഷനാകും.ഹാജി പി.കെ മുഹമ്മദ് , ഡോ. മുഹമ്മദ് സുബിന്‍ തുടങ്ങിയവരെ ആദരിക്കും. ഷമീര്‍ ദാരിമി കൊല്ലം മുഖ്യപ്രഭാഷണം നടത്തും. എ എം എം ഷാഫി റഹ്മത്തുല്ലാഹ് സ്വാഗതം പറയും. വാര്‍ത്താസമ്മേളനത്തില്‍ പി എ ഷിഹാബുദ്ധീന്‍ മുസ്ലിയാര്‍, എ.എം.എം ഷാഫി റഹ്മത്തുല്ലാഹ്,ഫൈസല്‍ ഷംസുദ്ധീന്‍, പി.എ അബൂബക്കര്‍ എസ്.എം.ജെ, എം ബാബു, എച്ച് മുഹമ്മദ് ഇല്ല്യാസ്, നാസിം വലിയമരം തുടങ്ങിയവര്‍ പങ്കെടുത്തു.