മൂവാറ്റുപുഴ: പുളിന്താനം കൊലപാതക കേസിലെ പ്രതി പിടിയില്‍. പോത്താനിക്കാട് പൊലിസ് സ്റ്റേഷന്‍ പരിധിയിലെ പുളിന്താനം മാണികപീടിക കാട്ടുചിറയില്‍ സജീവന്റെ വീടിന്റെ ടെറസില്‍ സുഹൃത്ത് പ്രസാദിന്റെ മൃതദേഹം കണ്ടെത്തിയ സംഭവത്തിലാണ് നടപടി. വീട്ടുടമസ്ഥനായ സജീവ് തന്റെ എയര്‍ ഗണ്‍ ഉപയോഗിച്ച് പ്രസാദിനെ തലയ്ക്കടിച്ച് കൊലപ്പെടുത്തുകയായിരുന്നു.
കഴിഞ്ഞ ദിവസം വൈകിട്ട് ഒരുമിച്ച് മദ്യപിച്ചതിനു ശേഷം പിരിഞ്ഞുപോയ പ്രസാദ് രാത്രി വീണ്ടും സജീവന്റെ വീട്ടിലെത്തി മദ്യം ആവശ്യപ്പെടുകയും അസഭ്യം പറയുകയും ചെയ്തായി പറയപ്പെടുന്നു. ഇതില്‍ പ്രകോപിതനായ സജീവ് പ്രസാദിനെ തോക്ക് കൊണ്ട് തലയ്ക്കടിച്ച് വീഴ്ത്തുകായിരുന്നുവെന്നാണ് വിവരം.
പ്രതിയെ പൊലിസ് കൂടുതല്‍ ചോദ്യം ചെയ്തു വരികയാണ്.