തേഞ്ഞിപ്പലം: ദേശീയപാത താഴെ ചേളാരിയില്‍ കെ.എസ്.ആര്‍.ടി.സി ബസ് ഇടിച്ചു രണ്ട് കാര്‍ യാത്രികര്‍ മരിച്ചു. അപകടത്തില്‍ ആറു പേര്‍ക്ക് പരുക്ക്‌. തൃശൂര്‍ സ്വദേശികളാണ് മരിച്ചത്. പരുക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്നു പുലര്‍ച്ചെ അഞ്ചു മണിയോടെയായിരുന്നു അപകടം.

തീര്‍ത്ഥാടനം കഴിഞ്ഞ് മടങ്ങുകയായിരുന്ന സംഘം സഞ്ചരിച്ചിരുന്നതാണ് കാര്‍. കാറിന്റെ പിന്‍ഭാഗത്താണ് ബസ്സിടിച്ചത്. അപകടത്തില്‍ കാര്‍ ഭാഗികമായി തകര്‍ന്നു. ബസ് ചേളാരിയില്‍ ആളെ ഇറക്കിയ ശേഷം പോകവേയാണ് അപകടം.