കരുനാഗപ്പള്ളി: കേരള യൂത്ത് പ്രമോഷന്‍ കൗണ്‍സിലിന്റെ ആഭിമുഖ്യത്തില്‍ വനം വകുപ്പ്, സാമൂഹ്യ വനവല്‍ക്കരണ വിഭാഗത്തിന്റെ സഹകരണത്തോടെ പള്ളിക്കലാറിന്റെ തീരത്ത് കണ്ടല്‍ ചെടികള്‍ നട്ടു.
നമുക്കുവേണ്ടി മണ്ണിന്‌വേണ്ടി ക്യാംപയിന്റെ ഭാഗമായിട്ടാണ് തൈകള്‍ നട്ടത്. തേവര്‍കാവ് വിദ്യാധിരാര ആര്‍ട്‌സ് ആന്‍ഡ് സയന്‍സ് കോളജിലെ നാഷണല്‍ സര്‍വീസ് സ്‌കീം വളണ്ടിയര്‍മാര്‍, സന്നദ്ധ സംഘടനാ പ്രവര്‍ത്തകര്‍ നേതൃത്വം നല്‍കി.
ഫോറസ്റ്റ് റേഞ്ച് ഓഫിസര്‍ എ. ബാബുരാജപ്രസാദ് കണ്ടല്‍ച്ചെടി നട്ട് പരിപാടി ഉദ്ഘാടനം ചെയ്തു.
കേരള യൂത്ത് പ്രമോഷന്‍ കൗണ്‍സില്‍ സംസ്ഥാന ചെയര്‍മാന്‍ വനമിത്ര സുമന്‍ജിത്ത്മിഷ അധ്യക്ഷനായിരുന്നു.
പള്ളിക്കലാര്‍ സംരക്ഷണ സമിതി സെക്രട്ടറി ജീ. മഞ്ജുകുട്ടന്‍,എന്‍.എസ്. എസ് പ്രോഗ്രാം ഓഫിസര്‍ ദിലീപ്, സെക്ഷന്‍ ഫോറസ്റ്റ് ഓഫിസര്‍മാരായ കെ. ഗോപകുമാര്‍, എസ്സ്. കെ. ജനീവ്, ആര്‍. രാമചന്ദ്രന്‍, എ. ആഷിഖ് കൗണ്‍സില്‍ ഭാരവാഹികളായ സാഹിര്‍ വീവീസ്, സനീഷ് സച്ചു നേതൃത്വം നല്‍കി.