പാലക്കാട്: സുന്നി മഹല്ല് ഫെഡറേഷന്റെ പാലക്കാട് ജില്ലാ കമ്മിറ്റിയുടെ നേതൃത്വത്തില്‍ ഖുതുബാ സംഗമവും പാരന്റിങ് കോഴ്‌സിന്റെ ജില്ലാതല ലോഞ്ചിങ്ങും ഇന്ന് രാവിലെ ഒന്‍പതു മണി മുതല്‍ ചെര്‍പ്പുളശ്ശേരി സി.എം ഓഡിറ്റോറിയത്തില്‍ നടക്കും. സയ്യിദ് കെ.പി.സി തങ്ങള്‍ ഉദ്ഘാടനം ചെയ്യും. എം.പി കുഞ്ഞുമുഹമ്മദ് മുസ്‌ലിയാര്‍ അധ്യക്ഷനാകും. സി.കെ.എം. സ്വാദിഖ് മുസ്‌ലിയാര്‍ ലോഞ്ചിങ് നടത്തും. ഇസ്മായില്‍ ഫൈസി ഒടമല മുഖ്യപ്രഭാഷണം നടത്തും.
ജില്ലയിലെ സമസ്തയുടേയും കീഴ്ഘടകങ്ങളുടേയും നേതാക്കളും മഹല്ല് ഭാരവാഹികളും ഖത്തീബുമാരും പങ്കെടുക്കണമെന്ന് ജില്ലാ പ്രസിഡന്റ് എം.പി കുഞ്ഞഹമദ് മുസ്‌ലിയാര്‍ നെല്ലായ, സെക്രട്ടറി വി.എ.സി കുട്ടിഹാജി ഖുത്തുബാ ജില്ലാപ്രസിഡന്റ് ഇമ്പിച്ചിക്കോയ തങ്ങള്‍ കൊടക്കാട്, സെക്രട്ടറി ടി.എച്ച് സുലൈമാന്‍ ദാരിമി അറിയിച്ചു.