പേരാമ്പ്ര: ജില്ലാ പഞ്ചായത്തിനുകീഴില്‍ പ്രവര്‍ത്തിക്കുന്ന പേരാമ്പ്ര വനിതാ ഹോസ്റ്റലിന് 90 ലക്ഷം രൂപ ചെലവില്‍ നിര്‍മിച്ച  രണ്ടാം ബ്ലോക്കിന്റെ കെട്ടിടം ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു.  ബ്ലോക്ക് പഞ്ചായത്ത് പ്രസിഡന്റ് എ.സി സതി അധ്യക്ഷയായി. 2007 ല്‍ പ്രവര്‍ത്തനമാരംഭിച്ച ഒന്നാം ബ്ലോക്കില്‍  28 പേര്‍ക്കും താമസിക്കാന്‍ സൗകര്യമുണ്ട്. താമസ സൗകര്യം തേടി അലയുന്ന വനിതാ ജീവനക്കാര്‍ക്ക്  പുതിയ ബ്ലോക്ക് ഏരെ സഹായകരമാകും.
അസി. എക്‌സിക്യുട്ടീവ് എന്‍ജിനീയര്‍ എ.എം മാധവന്‍  റിപ്പോര്‍ട്ട് അവതരിപ്പിച്ചു. ജില്ലാ പഞ്ചായത്ത് ക്ഷേമകാര്യ സ്റ്റാന്റിങ് കമ്മിറ്റി ചെയര്‍പെഴ്‌സണ്‍ സുജാത മനക്കല്‍, പഞ്ചായത്ത് വൈസ് പ്രസിഡന്റ് കെ.പി ഗംഗാധരന്‍ നമ്പ്യാര്‍, ബ്ലോക്ക് അംഗം അജിത  കൊമ്മിണിയോട്ട്, രാഷ്ട്രീയ പാര്‍ട്ടി പ്രതിനിധികളായ എന്‍.പി ബാബു, രാജന്‍ മരുതേരി, എ.കെ ചന്ദ്രന്‍, എസ്.കെ അസയിനാര്‍, കെ.എം ബാലകൃഷ്ണന്‍, ജില്ലാ വനിത ക്ഷേമ ഓഫിസര്‍ വി.കെ ശ്രീലത,  നിര്‍വഹണ സമിതി അംഗം ദീപ  സംസാരിച്ചു. ജില്ലാ പഞ്ചായത്തംഗം എ.കെ ബാലന്‍ സ്വാഗതവും  ടി.പി കുഞ്ഞനന്തന്‍ നന്ദിയും പറഞ്ഞു.