ദമ്മാം: പ്രമുഖ പണ്ഡിതനും തിരുവനന്തപുരം സ്‌നേഹ സാഗരം ട്രസ്റ്റ് ചെയര്‍മാനും മതപ്രഭാഷകനുമായ ഉസ്താദ് നൗഷാദ് ബാഖവി ദമ്മാം 91 റോഡിലെ ജയില്‍ സന്ദര്‍ശിച്ചു. വിവിധ പ്രശ്‌നങ്ങളില്‍ പെട്ട് ജയിലില്‍ കഴിയുന്ന വിദേശികള്‍ക്ക് സഊദിയുടെ 88ാം രാജ്യ പിറവിയാഘോഷത്തിന്റെ ഭാഗമായി മധുരം വിതരണം ചെയ്തു. ജയിലില്‍ കഴിയുന്നവരുടെ പ്രശ്‌നങ്ങള്‍ എത്രയും പെട്ടന്ന് നീങ്ങി നാട്ടിലേക്ക് തിരിക്കാന്‍ കഴിയട്ടെ എന്നാശംസിച്ച അദ്ദേഹം ജയില്‍വാസികള്‍ക്ക് ആശ്വാസ വാക്കുകള്‍ നല്‍കിയാണ് പിരിഞ്ഞത്

കിഴക്കന്‍ പ്രവിശ്യയിലെ സജീവ ജീവകാരുണ്യ സന്നദ്ധ പ്രവര്‍ത്തകന്‍ നാസ് വക്കത്തോടൊപ്പമാണ് അദ്ദേഹം ജയില്‍ സന്ദര്‍ശനം നടത്തിയത്. ദമ്മാം വേങ്ങര മണ്ഡലം കെ.എം.സി.സി പ്രസിഡന്റും എസ്.കെ.ഐ.സി ഭാരവാഹിയുമായ ഉമ്മര്‍ വളപ്പില്‍, കെ.എം.സി.സി ദമ്മാം സെന്‍ട്രല്‍ കമ്മിറ്റി ഭാരവാഹിയും തിരുവനന്തപുരം സ്‌നേഹ സാഗരം ട്രസ്റ്റ് സഊദി കോ-ഓഡിനേറ്ററുമായ അസീസ് വയനാട്, കോഴിക്കോട് ജില്ലാ കെ.എം.സി.സി ജനറല്‍ സെക്രട്ടറി മഹ്മൂദ് പൂക്കാട്, മാഹിന്‍ വിഴിഞ്ഞം തുടങ്ങിയവര്‍ അനുഗമിച്ചു.