റിയാദ്: സഊദി കിരീടാവകാശിയും പ്രതിരോധ മന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്റെ സൗത്ത് കൊറിയന്‍ സന്ദര്‍ശനത്തിന് തുടക്കമായി. ജപ്പാനിലെ ഒസാകയില്‍ ചേരുന്ന ജി 20 ഉച്ചകോടിയില്‍ പങ്കെടുക്കുന്ന സഊദി സംഘത്തെ നയിക്കുന്നത് കിരീടാവകാശിയാണ്. ഇതിനു മുന്നോടിയായാണ് കൊറിയന്‍ സന്ദര്‍ശനം. ബുധനാഴ്ച തലസ്ഥാന നഗരിയായ സിയോളില്‍ എത്തിയ കിരീടാവകാശിയെ പ്രധാനമന്ത്രി ലീ നാക് യിയോണ്‍ സ്വീകരിച്ചു. കൊറിയയിലെ സഊദി അംബാസിഡര്‍ റിയാദ് ബിന്‍ അഹമ്മദ് അല്‍ മുബാറകി സന്നിഹിതനായിരുന്നു.

സൗത്ത് കൊറിയന്‍ പ്രസിഡന്റ് അടക്കമുള്ള മുതിര്‍ന്ന കൊറിയന്‍ നേതാക്കളുമായി കിരീടാവകാശി കൂടിക്കാഴ്ച നടത്തും. ഇരു രാജ്യങ്ങളും തമ്മിലുള്ള നയതന്ത്ര ബന്ധങ്ങള്‍ കൂടുതല്‍ ശക്തമാക്കുന്നതിനുള്ള ചര്‍ച്ചകളും ഇരു രാഷ്ട്ര നേതാക്കളും തമ്മില്‍ നടത്തും. കൊറിയന്‍ സന്ദര്‍ശന ശേഷം ജപ്പാനിലേക്ക് തിരിക്കുന്ന കിരീടാവകാശി ഇവിടെ ഈ മാസം 2829 തിയ്യതികളില്‍ ഇവിടെ നടക്കുന്ന ജി 20 ഉച്ചകോടിയില്‍ പങ്കെടുക്കും.