കോഴിക്കോട്: സംവരണ അട്ടിമറി വിശദീകരിക്കുന്നതിന് സംസ്ഥാനത്തെ മുഴുവന്‍ ജില്ലകളിലും കൊവിഡ് പ്രോട്ടോകോള്‍ പാലിച്ചുകൊണ്ട് വിശദീകരണ സംഗമങ്ങള്‍ നടത്താന്‍ കോഴിക്കോട് സമസ്ത കാര്യാലയത്തില്‍ ചേര്‍ന്ന സമസ്ത സംവരണ സംരക്ഷണ സമിതി യോഗം തീരുമാനിച്ചു.
ചെയര്‍മാന്‍ ഡോ. എന്‍.എ.എം അബ്ദുല്‍ഖാദര്‍ അധ്യക്ഷത വഹിച്ചു. കഴിഞ്ഞ വെള്ളിയാഴ്ച പള്ളികളില്‍ നിന്ന് ശേഖരിച്ച ഒപ്പുകള്‍ മുഖ്യമന്ത്രിക്ക് ഉടന്‍ സമര്‍പ്പിക്കും. സംസ്ഥാനത്തെ മുഴുവന്‍ രാഷ്ട്രീയ നേതാക്കളെയും കണ്ട് നിവേദനം നല്‍കും. അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, കെ. മോയിന്‍ കുട്ടി മാസ്റ്റര്‍, സത്താര്‍ പന്തലൂര്‍ പ്രസംഗിച്ചു. കണ്‍വിനര്‍ മുസ്തഫ മുണ്ടുപാറ സ്വാഗതം പറഞ്ഞു.