കണ്ണൂര്‍: വിശുദ്ധ ഖുര്‍ആന്‍ മാര്‍ഗദര്‍ശനം എന്ന പ്രമേയവുമായി ഓള്‍ കേരള ഹോളി ഖുര്‍ആന്‍ അവാര്‍ഡ് കമ്മിറ്റി നിലവില്‍ വന്നു. ചെയര്‍മാനായി സയ്യിദ് അസ്‌ലം തങ്ങള്‍ അല്‍ മഷ്ഹൂറിനേയും ജനറല്‍ കണ്‍വീനറായി ഒ.എം അബൂബക്കറിനെയും തെരഞ്ഞെടുത്തു.
ഇബ്‌റാഹിം മൗലവി മടക്കിമല ട്രഷററും കബീര്‍ കണ്ണാടിപ്പറമ്പ്, ഹാശിം ഫൈസി ഇര്‍ഫാനി എന്നിവര്‍ ജോയിന്റ് കണ്‍വീനറുമാണ്. എല്ലാ വര്‍ഷവും റമദാനില്‍ സംസ്ഥാനതലത്തില്‍ നടത്തുന്ന ഹോളി ഖുര്‍ആന്‍ അവാര്‍ഡ് ദാനത്തിലൂടെ കുട്ടികളില്‍ ഖുര്‍ആന്‍ പഠന പ്രോത്സാഹനമാണ് ലക്ഷ്യമിടുന്നത്. 35 വയസ് കവിയാത്ത ഹാഫിളീങ്ങള്‍ക്ക് മത്സരത്തില്‍ പങ്കെടുക്കാം.
റമദാന്‍ ഇരുപതിന് കോഴിക്കോട് വച്ച് സ്വര്‍ണ മെഡലുകളടങ്ങുന്ന അവാര്‍ഡ് വിതരണം നടക്കും. ലോഗോ പ്രകാശനം പാണക്കാട് ഹൈദരലി ശിഹാബ് തങ്ങള്‍ നിര്‍വഹിച്ചു. സയ്യിദ് അലി ഹാശിം നദ്‌വി, വി.കെ അബ്ദുല്‍ ഖാദര്‍ മൗലവി, അബ്ദുല്‍ കരീം ചേലേരി, വി.പി വമ്പന്‍, കെ.എന്‍ മുസ്തഫ, ഒ.എം അബൂബക്കര്‍, ഇബ്രാഹിം മൗലവി മടക്കിമല, കബീര്‍ കണ്ണാടിപ്പറമ്പ് പങ്കെടുത്തു.