കോഴിക്കോട്: കേരള പത്രപ്രവര്‍ത്തക യൂണിയന്‍ മുന്‍ സംസ്ഥാന വൈസ് പ്രസിഡന്റും ജനയുഗം പത്രത്തിന്റെ വയനാട് ബ്യൂറോ ചീഫുമായ വി.ജി. വിജയന്റെ നിര്യാണത്തില്‍ കാലിക്കറ്റ് പ്രസ് ക്ലബ്ബില്‍ ചേര്‍ന്ന മാധ്യമ പ്രവര്‍ത്തകരുടെ യോഗം അനുശോചിച്ചു. പ്രസിഡന്റ് കമാല്‍ വരദൂര്‍ അധ്യക്ഷനായി. സെക്രട്ടറി എന്‍. രാജേഷ്, ജോ. സെക്രട്ടറി കെ.സി. റിയാസ്, ട്രഷറര്‍ പി. വിപുല്‍നാഥ്, സീനിയര്‍ ജേണലിസ്റ്റ് ഫോറം ജില്ലാ പ്രസിഡന്റ് എം. ബാലഗോപാലന്‍, മലയാള മനോരമ ചീഫ് ന്യൂസ് എഡിറ്റര്‍ പി.ജെ. ജോഷ്വ, ജനയുഗം ന്യൂസ് എഡിറ്ററായിരുന്ന കെ.നീനി, കെ.യുഡബ്ല്യൂ.ജെ. മലപ്പുറം പ്രസ് ക്ലബ്ബ് പ്രസിഡന്റ് ഹാഷിം എളമരം, ജനയുഗം ന്യൂസ് എഡിറ്റര്‍ ഷിബു ടി. ജോസഫ്, ദീപിക ഫോട്ടോഗ്രാഫര്‍ രമേശ് കോട്ടൂളി സംസാരിച്ചു.          കെ.യു.ഡബ്ല്യൂ.ജെ. വൈസ് പ്രസിഡണ്ട് ഇ.പി. മുഹമ്മദ് അനുശോചന പ്രമേയം അവതരിപ്പിച്ചു.