വള്ളുവമ്പ്രം: പൂക്കോട്ടൂര്‍ പഞ്ചായത്ത് മുസ്‌ലിം ലീഗ് സംഘടിപ്പിച്ച അറിവരങ്ങ് വായനോത്സവത്തിന്റെ സമാപന സാംസ്‌കാരിക സമ്മേളനത്തിന്റെ ഉദ്ഘാടനം പി.കെ കുഞ്ഞാലിക്കുട്ടി എം.പി നിര്‍വഹിച്ചു. ലോകം അപരിഷ്‌കൃതമെന്നും നിരര്‍ഥകമെന്നും വിലയിരുത്തി തള്ളിക്കളഞ്ഞ പ്രത്യയശാസ്ത്ര വാഹകര്‍യുവ തലമുറയുടെ ചരിത്ര പഠനത്തെയും വിശകലനത്തേയും പരിഹസിക്കുന്നത് ധിക്കാരമാണെന്ന് അദ്ദേഹം പറഞ്ഞു.
അഡ്വ. കാരാട്ട് അബ്ദുറഹ്മാന്‍ അധ്യക്ഷനായി. ചടങ്ങില്‍ പൂക്കോട്ടൂര്‍ പഞ്ചായത്ത് മുസ്‌ലിം ലീഗ് ഏര്‍പ്പെടുത്തിയ കാരാട്ട് മുഹമ്മദാജി സ്മാരക പുരസ്‌കാരം എഴുത്തുകാരന്‍ ടി.പി.എം ബഷീറിന് കൈമാറി.
പരീക്ഷകളില്‍ ഉന്നതവിജയം കരസ്ഥമാക്കിയവര്‍ക്കുള്ള വിദ്യാഭ്യാസ അവാര്‍ഡ് ദാനം പി. ഉബൈദുല്ല എം.എല്‍.എയും അറിവരങ്ങ് വായനോത്സവ ജേതാക്കളെ തെരഞ്ഞെടുക്കുന്ന നറുക്കെടുപ്പ് ഉദ്ഘാടനം ടി.വി ഇബ്രാഹിം എം.എല്‍.എയും നിര്‍വഹിച്ചു.
മണ്ഡലം മുസ്‌ലിം ലീഗ് സെക്രട്ടറി പി.എ സലാം അവാര്‍ഡ് ജേതാവിനെ പരിചയപ്പെടുത്തി.
കെ. മുഹമ്മദുണ്ണി ഹാജി, എം.സി ഇബ്രാഹീം വടകര, ഇബ്രാഹീം മുഹമ്മദ്, പി. മുജീബ് റഹ്മാന്‍ ഗ്രെയ്‌സ്, യൂത്ത്‌ലീഗ് ജില്ലാ സെക്രട്ടറി കെ.ടി അശ്‌റഫ്, എ.എം കുഞ്ഞാന്‍, വി. മുസ്തഫ, എം.ടി അലി, കെ. ഇസ്മാഈല്‍ മാസ്റ്റര്‍, കെ.പി ഉണ്ണീതുഹാജി, മന്‍സൂര്‍ കുഞ്ഞിപ്പു, സി. മൊയ്തീന്‍ കുട്ടി മാസ്റ്റര്‍, പി. അബ്ദു പുല്ലാര, സി.ടി നൗഷാദ്, ഉസ്മാന്‍ കൊടക്കാടന്‍, എം.പി സുനീര്‍, വി.പി സലീം മാസ്റ്റര്‍, എം.എം മുസ്തഫ, പി.കെ ഉമ്മര്‍, എന്‍.പി അക്ബര്‍, ഉസൈന്‍ ഉള്ളാട്ട്, ഫാരിസ് പള്ളിപ്പടി, കെ. മന്‍സൂര്‍, ടി.പി യൂനുസ്, കുഞ്ഞിമാന്‍ മൈലാടി, എം.ടി മുഹമ്മദലി മാസ്റ്റര്‍, എന്‍.എം ഉബൈദ്, ശമീര്‍, ഫസലുറഹ്മാന്‍, ടി. ശബീര്‍, നവാഫ് കള്ളിയത്ത്, പി.പി നിസാമുദ്ദീന്‍, ഹബീബ് റഹ്മാന്‍, സല്‍മാന്‍ നെല്ലിപ്പറമ്പത്ത് സംസാരിച്ചു.