തിരുവനന്തപുരം: സംസ്ഥാന കൃഷിവകുപ്പ് ഡയറക്റ്റര്‍ അശോക് കുമാര്‍ തെക്കനെ തല്‍സ്ഥാനത്തുനിന്നു മാറ്റി. കൃഷി വകുപ്പിലെ പച്ചത്തേങ്ങ സംഭരണം അടക്കം യു.ഡി.എഫ് സര്‍ക്കാറിന്റെ കാലത്ത് നടന്ന വ്യാപക ക്രമക്കേട് കണ്ടെത്തിയതിനെതുടര്‍ന്നാണ് സ്ഥാനമാറ്റം. ഇന്നലെ ചേര്‍ന്ന മന്ത്രിസാ യോഗത്തില്‍ കൃഷി വകുപ്പ് മന്ത്രി വി.എസ് സുനില്‍കുമാറാണ് അഴിമതി ആരോപണം നേരിടുന്ന ഉദ്യോസ്ഥാനെ മാറ്റണമെന്ന ആവശ്യമുന്നയിച്ചത്.

കൃഷിവകുപ്പ് സെക്രട്ടറി രാജു നാരായണ സ്വാമിക്കാണ് താത്കാലിക ചുമതല നല്‍കിയിരിക്കുന്നത്. അശോക് കുമാറിനെതിരെ വിജിലന്‍സ് അന്വേഷണത്തിനും ഉത്തരവിട്ടിട്ടുണ്ട്. ശബരിമലയിലെ പച്ചത്തേങ്ങ സംഭരണം, കൊപ്രസംഭരണം, പച്ചത്തേങ്ങ സംഭരണത്തിലെ തിരിമറി, വിത്തു തേങ്ങ ഇറക്കുമതിയിലെ ക്രമക്കേട് എന്നിവയുമായി ബന്ധപ്പെട്ടാണ് അശോക് കുമാര്‍ തെക്കനെതിരെ ക്രമക്കേടുകള്‍ കണ്ടെത്തിയത്.