വാഷിങ്ടണ്‍: യു.എസ് പ്രസിഡന്റ് തിരഞ്ഞെടുപ്പില്‍ ജോര്‍ജിയയില്‍ നടത്തിയ റീ കൗണ്ടിങിലും ജോ ബൈഡന് തന്നെ വിജയം. സ്‌റ്റേറ്റ് സെക്ട്ടറിയുടെ ഓഫിസ് ആണ് ഇക്കാര്യം സ്ഥിരീകരിച്ചത്. ഇതോടെ ജോ ബൈഡന്റെ ഇലക്ടറല്‍ കോളജിലെ വോട്ടുകള്‍ 306 ആയി. ട്രംപിന് 232 ഇലക്ടറല്‍ വോട്ടാണ് ലഭിച്ചത്. കേവല ഭൂരിപക്ഷത്തിന് 270 വോട്ടാണ് വേണ്ടിയിരുന്നത്.

ജോര്‍ജിയയില്‍ അന്തിമ ഫലം പുറത്തുവന്നപ്പോള്‍ 12,284 വോട്ടിനാണ് ഡൊണാള്‍ഡ് ട്രംപിനെ ബൈഡന്‍ പരാജയപ്പെടുത്തിയത്. തെരഞ്ഞെടുപ്പില്‍ യാതൊരുവിധ കൃത്രിമവും നടന്നതിന് തൊളിവ് ലഭിച്ചിട്ടില്ലെന്നും അധികൃതര്‍ അറിയിച്ചു.

മൂന്ന് പതിറ്റാണ്ടിനിടെ ജോര്‍ജിയയില്‍ വിജയിക്കുന്ന ആദ്യത്തെ ഡെമോക്രാറ്റിക് പ്രസിഡന്റ് സ്ഥാനാര്‍ഥിയാണ് ജോ ബൈഡന്‍. ബില്‍ ക്ലിന്റനാണ് ജോര്‍ജിയയില്‍ അവസാനമായി ജയിക്കുന്ന ഡെമോക്രാറ്റിക് സ്ഥാനാര്‍ഥി. എന്നാല്‍ പരാജയം അംഗീകരിക്കാന്‍ തയാറാകാത്ത ട്രംപ് തെരഞ്ഞെപ്പില്‍ തൃത്രിം നടന്നെന്ന ആരോപത്തില്‍നിന്നു പിന്‍മാറിയിട്ടില്ല.