ചവറ: വയോധിക ഉള്‍പ്പെടെയുള്ളവര്‍ താമസിക്കുന്ന വീട്ടില്‍ കയറി ആക്രമണം നടത്തിയ യുവാവിനെ  മാസങ്ങള്‍ക്ക് ശേഷം പിടികൂടി.
കാവനാട് കന്നിമേല്‍ച്ചേരി കുമ്പളത്ത് വീട്ടില്‍ രാജേഷിനെയാ(36)ണ് ചവറ പൊലിസ് അറസ്റ്റ് ചെയ്തത്. ചവറ പട്ടത്താനം ലക്ഷ്മി ഭവനത്തില്‍ ഓമനയമ്മയെ(71)യും മക്കളെയും മര്‍ദിച്ച കേസിലാണ് അറസ്റ്റ്. ആക്രമണത്തില്‍ ഓമനയമ്മയ്ക്ക് ഗുരുതരമായി പരുക്കേറ്റിരുന്നു.
കഴിഞ്ഞ ഏപ്രില്‍ 23നായിരുന്നു സംഭവം. ഓമനയമ്മയുടെ വീടിനു സമീപം താമസിച്ചിരുന്ന രാജേഷ് സംഭവത്തിനുശേഷം വിവിധ സ്ഥലങ്ങളില്‍ മാറിമാറി താമസിച്ചുവരികയായിരുന്നു. ഇതിനിടയില്‍ കഴിഞ്ഞദിവസം ശക്തികുളങ്ങരയിലെ ലോഡ്ജില്‍ നിന്നും ഇയാളെ അറസ്റ്റ് ചെയ്യുകയായിരുന്നു. പ്രതിയെ ഇന്ന് കോടതിയില്‍ ഹാജരാക്കും.