തിരുവനന്തപുരം: പ്ലസ്‌വണ്‍ ട്രാന്‍സ്ഫര്‍ അലോട്ട്‌മെന്റ് ഫലം രാവിലെ പത്ത് മുതല്‍ പ്രവേശനം സാധ്യമാകുംവിധം അഡ്മിഷന്‍ വെബ്‌സൈറ്റായ www.hscap.kerala.gov.in  പ്രസിദ്ധീകരിക്കും. TRANSFER ALLOT RESULTS എന്ന ലിങ്കിലൂടെ ലഭിക്കുന്ന രണ്ട് പേജുള്ള അലോട്ട്‌മെന്റ് സ്ലിപ്പും യോഗ്യതാസര്‍ട്ടിഫിക്കറ്റ്, ടി.സി, സ്വഭാവസര്‍ട്ടിഫിക്കറ്റ്, മറ്റ് അനുബന്ധ രേഖകള്‍ എന്നിവയുടെ അസലുമായി അലോട്ട്‌മെന്റ് ലഭിച്ച സ്‌കൂളില്‍ ജൂലൈ മൂന്നിന് വൈകിട്ട് നാലിന് പ്രവേശനം നേടണം.
ട്രാന്‍സ്ഫറിന് ശേഷമുള്ള വേക്കന്‍സിയോടൊപ്പം പത്ത് ശതമാനം മാര്‍ജിനല്‍ വര്‍ധനവിലൂടെയുണ്ടാകുന്ന സീറ്റുകളും ചേര്‍ന്ന വേക്കന്‍സി മൂന്നാം സപ്ലിമെന്ററി അലോട്ട്‌മെന്റിനായി ജൂലൈ രണ്ടിന് രാവിലെ പത്തിന് അഡ്മിഷന്‍ വെബ്‌സൈറ്റില്‍ പ്രസിദ്ധീകരിക്കും.
അവസാന അലോട്ട്‌മെന്റിലും അപേക്ഷ നല്‍കിയിട്ടും അലോട്ട്‌മെന്റ് ലഭിക്കാത്തവര്‍ക്ക് സപ്ലിമെന്ററി അലോട്ട്‌മെന്റിലേക്ക് പരിഗണിക്കുന്നതിന് നിലവിലുള്ള അപേക്ഷ പുതുക്കണം. നിലവിലുള്ള ഒഴിവുകളുടെ അടിസ്ഥാനത്തില്‍ ഓപ്ഷനുകളും മാറ്റിനല്‍കാം. സപ്ലിമെന്ററി അലോട്ട്‌മെന്റിനായി പ്രസിദ്ധീകരിക്കുന്ന ഒഴിവുള്ള സ്‌കൂള്‍ കോമ്പിനേഷനുകള്‍ മാത്രമേ ഓപ്ഷനുകളായി തിരഞ്ഞെടുക്കുവാന്‍ കഴിയുകയുള്ളൂ. സപ്ലിമെന്ററി അലോട്ട്‌മെന്റിനായി ജൂലൈ നാലിന് വൈകിട്ട് നാലുവരെ പുതുക്കല്‍ ഫോം സമര്‍പ്പിക്കാം.