ബഗ്ദാദ്: ഇറാഖ് തലസ്ഥാനം ബഗ്ദാദിലുണ്ടായ ചാവേര്‍ സ്‌ഫോടനത്തില്‍ 50 പേര്‍ കൊല്ലപ്പെട്ടു. ബഗ്ദാദിന്റെ ദക്ഷിണ പ്രവിശ്യയായ ബസ്വ്‌റയിലാണ് സംഭവം.
ഇവിടെ ദേശീയപാതയിലെ രണ്ട് ചെക്‌പോസ്റ്റുകളിലാണ് ചാവേര്‍ കാര്‍ ബോംബ് സ്‌ഫോടനം നടന്നത്. ആദ്യം റുമൈലാ ചെക്ക്‌പോസ്റ്റിലും ഇതിനു പിറകെ ഒരു കിലോമീറ്റര്‍ അകലെയുള്ള കേന്ദ്രത്തിലും ചാവേറുകള്‍ ആക്രമണം നടത്തുകയായിരുന്നു. എണ്ണപ്പാടങ്ങള്‍ക്ക് സമീപത്താണ് ആക്രമണമുണ്ടായത്. സംഭവത്തെ തുടര്‍ന്ന് ഇവിടത്തെ എണ്ണക്കമ്പനികള്‍ക്ക് ജാഗ്രതാ നിര്‍ദേശം നല്‍കിയിട്ടുണ്ട്. ഐ.എസ് രണ്ട് ആക്രമണത്തിന്റെയും ഉത്തരവാദിത്തം ഏറ്റെടുത്തിട്ടുണ്ട്.