ബീമാപള്ളി: പതിറ്റാണ്ടുകളായി ഇരുചേരിയില്‍ പ്രവര്‍ത്തിച്ചിരുന്ന സുന്നി പ്രവര്‍ത്തകരെ ഒരേ വേദിയില്‍ ഒന്നിപ്പിച്ചുകൊണ്ടു ബീമാപള്ളി മുസ്‌ലിം ജമാഅത്ത് സുന്നി സംഗമം നടത്തി.
കൗണ്‍സിലറും മുന്‍ജമാഅത്ത് പ്രസിഡന്റുമായ ബീമാപള്ളി റഷീദ് ഉദ്ഘാടനം ചെയ്തു. തുടര്‍ന്നും ഈ കൂട്ടായ്മ നിലനില്‍ക്കണമെന്നും പ്രവര്‍ത്തനങ്ങളില്‍ ഒത്തൊരുമയോടെ മുന്നോട്ടു പോകണമെന്നും അദ്ദേഹം പറഞ്ഞു. ജമാഅത്ത് പ്രസിഡന്റ് ഗുലാം മുഹമ്മദ് അധ്യക്ഷനായി.
ജമാഅത്ത് ചീഫ് ഇമാം അഷ്‌റഫ് ബാഖവി അഷ്‌റഫി മുഖ്യപ്രഭാഷണം നടത്തി. പുത്തനാശയക്കാരെ സംയുക്തമായി പ്രതിരോധിക്കുന്നതിനു വേണ്ടിയാണ് ജമാഅത്ത് മുന്‍കൈയെടുത്ത് സുന്നീകൂട്ടായ്മ രൂപീകരിച്ചത്.