ശ്രീനഗര്‍: കശ്മിരില്‍ നൗഗാം മേഖലയില്‍ ഭീകരരുമായുണ്ടായ ഏറ്റുമുട്ടലില്‍ രണ്ടു ജവാന്‍മാര്‍ക്ക് വീരമൃത്യു. നിയന്ത്രണരേഖയില്‍ നുഴഞ്ഞുകയറാന്‍ ശ്രമിച്ച ഭീകരരുമായിട്ടാണ് ഏറ്റുമുട്ടലുണ്ടായത്. രണ്ടു ഭീകരരും കൊല്ലപ്പെട്ടിട്ടുണ്ട്. ഏറ്റുമുട്ടല്‍ തുടര്‍ന്നു കൊണ്ടിരിക്കുകയാണ്.
കുപ്‌വാര ജില്ലയില്‍ ആയുധങ്ങളുമായി നുഴഞ്ഞു കയറാന്‍ ശ്രമിക്കുന്ന ഭീകരര്‍ക്കായുള്ള പട്രോളിങിനിടെ ഭീകരര്‍ സൈനികര്‍ക്കു നേരെ വെടിയുതിര്‍ക്കുകയായിരുന്നു. തുടര്‍ന്ന് നടന്ന ഏറ്റുമുട്ടലിലാണ് രണ്ടു ഭീകരര്‍ കൊല്ലപ്പെട്ടതെന്ന് സൈനിക വക്താവ് പറഞ്ഞു.