ലണ്ടന്‍: ഓരോ കളി കഴിയുമ്പോഴും റെക്കോര്‍ഡുകള്‍ ഇട്ട് അമ്പരപ്പിക്കുന്ന ഇന്ത്യന്‍ നായകന്‍ വിരാട് കോഹ്‌ലി ഇപ്രാവശ്യവും പതിവു തെറ്റിച്ചില്ല. തുടര്‍ച്ചയായ അഞ്ചാം അര്‍ധ സെഞ്ചുറി നേടുന്ന ലോകകപ്പ് നായകെന്ന റെക്കോര്‍ഡാണ് ഞായറാഴ്ച ഇംഗ്ലണ്ടിനെതിരായ മത്സരത്തില്‍ കോഹ്‌ലി സ്വന്തമാക്കിയത്.

ഇംഗ്ലണ്ടിനെതിരേ 66 റണ്‍സ് നേടി പുറത്താകുന്നതിനിടെയാണ് വിരാട് കോഹ്‌ലി ഈ അപൂര്‍വ്വ നേട്ടം സ്വന്തമാക്കിയത്. കഴിഞ്ഞ മത്സരത്തിനു ശേഷം ആരോണ്‍ ഫിഞ്ചിനും ദക്ഷിണാഫ്രിക്കയുടെ ഗ്രെയിം സ്മിത്തിനുമൊപ്പം നാല് അര്‍ധ സെഞ്ചുറിയുമായി കോഹ്‌ലി ഉണ്ടായിരുന്നു. 2007 ലോകകപ്പിലാണ് ഗ്രെയിം സ്മിത്ത് തുടര്‍ച്ചയായ നാല് അര്‍ധ സെഞ്ചുറികള്‍ സ്വന്തമാക്കിയത്.