വാഷിങ്ടണ്‍: പ്രമുഖ ഇന്ത്യന്‍ അമേരിക്കന്‍ ഫിസിഷ്യനും സാമൂഹിക പ്രവര്‍ത്തകനുമായ അജയ് ലോധ കൊവിഡ് ബാധിച്ച് മരിച്ചു. 58 വയസ്സായിരുന്നു. കഴിഞ്ഞ എട്ട് മാസമായി അദ്ദേഹം കൊവിഡ് ചികിത്സാരംഗത്ത് സജീവമായിരുന്നു. നവംബര്‍ 21നായിരുന്നു മരണം. കൊവിഡ് ബാധിച്ച അദ്ദേഹത്തിന്റെ ആരോഗ്യ സ്ഥിതി ഗുരുതരമാവുകയായിരുന്നു. 

അമേരിക്കയിലെ ഇന്ത്യന്‍ വംശജരായ ഫിസിഷ്യന്‍മാരുടെ സംഘടനയായ അമേരിക്കന്‍ അസോസിയേഷന്‍ ഓഫ് ഫിസിഷ്യന്‍സ് ഓഫ് ഇന്ത്യന്‍ ഒറിജിന്‍ മുന്‍ പ്രസിഡന്റായിരുന്നു ലോധ. ലോധയുടെ വിയോഗത്തില്‍ ന്യൂയോര്‍ക്കിലെ ഇന്ത്യന്‍ കോണ്‍സുലര്‍ ജനറല്‍ അനുശോചനം രേഖപ്പെടുത്തി. ഭാര്യ: സ്മിത. മക്കള്‍: അമിത്, ശ്വേത.