ആലുവ: രാജ്യത്ത് ആര്‍.എസ്.എസ് എടുക്കുന്ന നിലപാട് ദൂരവ്യാപകമായ പ്രശ്‌നങ്ങള്‍ സൃഷ്ടിക്കുമെന്ന് കോടിയേരി ബാലകൃഷ്ണന്‍. ആര്‍.എസ്.എസിനെ നേരിടാന്‍ മറ്റു മതവിഭാഗങ്ങള്‍ കൂടുതല്‍ തീവ്രമായി പ്രവര്‍ത്തിക്കുന്നു. ഇത് രാജ്യത്തെ കൂടുതല്‍ അപകടത്തിലാക്കാനെ ഉപകരിക്കൂ.  ശ്രീനാരായണഗുരു തുടക്കം കുറിച്ച എസ്.എന്‍.ഡി.പി പ്രസ്ഥാനം ഇന്ന് ജാതി സംഘടനയായി മാറിയിരിക്കുകയാണ്. കേരളത്തിലേയ്ക്കുമെത്തിയ ഐ.എസിന്റെ സ്വാധീനം ഇല്ലാതാക്കാന്‍ ശ്രീനാരായണ ഗുരുവിന്റെ സന്ദേശങ്ങള്‍ ഉയര്‍ത്തിപിടിക്കണമെന്ന് കോടിയേരി ബാലകൃഷ്ണന്‍ പറഞ്ഞു.  ആലുവയില്‍ ശ്രീനാരായണ ഗുരുവിന്റെ ജാതിയില്ലാ വിളംബരത്തിന്റെ നൂറാം വാര്‍ഷികം ഉദ്ഘാടനം ചെയ്യുകയായിരുന്നു അദ്ദേഹം.