ലിയോണ്‍: ഫ്രാന്‍സില്‍ നടക്കുന്ന വനിതാ ലോകകപ്പിന്റെ ആദ്യ സെമി ഫൈനല്‍ ഇന്ന് നടക്കും. നിലവിലെ ചാംപ്യന്‍മാരായ അമേരിക്കയും കരുത്തരായ ഇംഗ്ലണ്ടും തമ്മിലാണ് ആദ്യ സെമി.
ക്വാര്‍ട്ടറില്‍ ആതിഥേയരായ ഫ്രാന്‍സിനെ മുട്ടുകുത്തിച്ചായിരുന്നു അമേരിക്ക സെമിയിലെത്തിയത്. നോര്‍വേയെ എതിരില്ലാത്ത മൂന്ന് ഗോളിന് തകര്‍ത്ത് ഇംഗ്ലണ്ടും സെമിയിലെത്തി. ഇംഗ്ലീഷ് ഫുട്‌ബോള്‍ ക്ലബിലെ താരങ്ങളാണ് ഇംഗ്ലണ്ട് ടീമില്‍ അധിക പേരും. മാഞ്ചസ്റ്റര്‍ സിറ്റിക്ക് വേണ്ടി കളിക്കുന്ന ഏഴ് താരങ്ങളാണ് ഇംഗ്ലീഷ് ടീമിലുള്ളത്. ഈ കൂട്ടുകെട്ട് ഒരു പക്ഷെ ഇന്നത്തെ മത്സരത്തില്‍ ഇംഗ്ലണ്ടിന് തുണയാകും. മികച്ച ഫോമില്‍ നില്‍ക്കുന്ന അമേരിക്ക ഇംഗ്ലണ്ടിനെ തകര്‍ക്കാമെന്ന ആത്മവിശ്വാസത്തിലാണ്.