ന്യൂഡല്‍ഹി: മുന്‍ പ്രധാനമന്ത്രി മന്‍മോഹന്‍ സിങ്ങിനെ രാജ്യസഭയിലെത്തിക്കാനായി കോണ്‍ഗ്രസ് നേതൃത്വം രാജസ്ഥാനെ ആശ്രയിക്കുന്നു. തമിഴ്‌നാട്ടില്‍ ഡി.എം.കെയുമായി ചര്‍ച്ച ചെയ്ത് ഒരു സീറ്റ് ഏറ്റെടുക്കാന്‍ നടത്തിയ ചര്‍ച്ച പരാജയപ്പെട്ടതോടെയാണ് കോണ്‍ഗ്രസ് നേതൃത്വം രാജസ്ഥാനിലേക്ക് കണ്ണയക്കുന്നത്. രാജസ്ഥാനില്‍ നിന്ന് മന്‍മോഹനെ രാജ്യസഭയിലേക്ക് എത്തിക്കുകയാണ് ലക്ഷ്യമെന്ന് കോണ്‍ഗ്രസ് നേതൃത്വം അറിയിച്ചു. ബി.ജെ.പി സംസ്ഥാന അധ്യക്ഷനും രാജ്യസഭാ അംഗവുമായിരുന്ന മദന്‍ ലാല്‍ സെയ്‌നിയുടെ മരണത്തെ തുടര്‍ന്നാണ് രാജസ്ഥാനില്‍ ഒഴിവു വന്നത്.