നരിക്കുനി: പെന്‍ഷന്‍ പരിഷ്‌കരണത്തോടനുബന്ധിച്ചു കുടിശ്ശിക ഉടന്‍തന്നെ സര്‍വിസ് പെന്‍ഷനുകാര്‍ക്കു നല്‍കണമെന്ന് കേരള സ്റ്റേറ്റ് സര്‍വിസ് പെന്‍ഷനേഴ്‌സ് യൂനിയന്‍ നരിക്കുനി യൂനിറ്റ് പ്രവര്‍ത്തക കണ്‍വന്‍ഷന്‍ ആവശ്യപ്പെട്ടു.
മുതിര്‍ന്ന പെന്‍ഷനുകാരെ ആദരിക്കല്‍, പുതിയ അംഗങ്ങള്‍ക്കുള്ള മെമ്പര്‍ഷിപ്പ് വിതരണം എന്നിവ നരിക്കുനി പഞ്ചായത്ത് പ്രസിഡന്റ് അഡ്വ. പി.കെ വബിത ഉദ്ഘാടനം ചെയ്തു.
എം.എം കുഞ്ഞാമു അധ്യക്ഷനായി. കെ. ശശിധരക്കുറുപ്പ്, എ. വേലായുധന്‍, പി.കെ കരുണന്‍, ടി. ശ്രീധരന്‍ നായര്‍, വി. അബൂബക്കര്‍, പി.കെ അപ്പുനായര്‍, കെ.പി മുഹമ്മദ് അബ്ദുറഹ്മാന്‍, പി. ഗോപിനാഥന്‍, കെ. ഹരിദാസന്‍, കെ. ബാലകൃഷ്ണന്‍, പി.സി അബ്ദുല്ല, ടി.കെ അബ്ദുറഹ്മാന്‍, ഒ. ശ്രീധരകുറുപ്പ് സംസാരിച്ചു.