തിരുവനന്തപുരം: സംസ്ഥാനത്തെ സഹകരണ സംഘം നിയമങ്ങളും ചട്ടങ്ങളും പരിഷ്‌കരിക്കുന്നതിന് കമ്മിറ്റി രൂപീകരിച്ചു.

അഡിഷണല്‍ അഡ്വക്കേറ്റ് ജനറല്‍ അഡ്വ.കെ.കെ രവീന്ദ്രനാഥ് ഉള്‍പ്പെടെ ഒന്‍പത് അംഗങ്ങള്‍ അടങ്ങിയതാണ് കമ്മറ്റി. അഡ്വ. എം. രാജഗോപാലന്‍ നായര്‍ (അയിരൂര്‍പാറ ഫാര്‍മേഴ്‌സ് സര്‍വിസ് സഹകരണ ബാങ്ക്), അബ്ദുല്‍ ഹമീദ് എം.എല്‍.എ, മുന്‍ എം.എല്‍.എമാരായ അഡ്വ. കെ. ശിവദാസന്‍ നായര്‍, കെ.ആര്‍ ചന്ദ്രമോഹന്‍, അഡ്വ. എം.എം മോനായി, സഹകരണ അഡിഷണല്‍ രജിസ്ട്രാര്‍(റിട്ട.) പി.ആര്‍ രാജേഷ്, കെ.സി.ഇ.യു മുന്‍ സംസ്ഥാന സെക്രട്ടറി പി.എസ് മധുസൂദനന്‍, സഹകരണ വകുപ്പ് ലോ ഓഫിസര്‍ എന്നിവരാണ് കമ്മറ്റിയിലെ മറ്റ് അംഗങ്ങള്‍.

സഹകരണ മേഖലയിലുണ്ടായ മാറ്റങ്ങള്‍ക്കനുസരിച്ച് സഹകരണ സംഘം നിയമവും ചട്ടങ്ങളും സമഗ്രമായി പരിഷ്‌കരിക്കുകയാണ് കമ്മിറ്റിയുടെ ജോലി.