ചവറ: ഫെയ്‌സ്ബുക്കിലൂടെ പരിചയപ്പെട്ട് പ്രണയം നടിച്ച് വിവാഹിതയായ യുവതിയെ പീഡിപ്പിച്ച യുവാവിനെ ചവറ പൊലിസ് അറസ്റ്റ് ചെയ്തു. കാവനാട് പൂവന്‍പുഴ സ്വദേശി ബിസ്മി മണ്‍സിലില്‍ ഫൈസലാണ് (28) പിടിയിലായത്.
നീണ്ടകര സ്വദേശിയായ യുവതിയുമായി ഫെയ്‌സ് ബുക്കിലൂടെ പരിചയപ്പെട്ട ഫൈസല്‍ യുവതിയുമായി സൗഹൃദം സ്ഥാപിച്ച് പലപ്പോഴായി പീഡിപ്പിച്ച് ഭീഷണിപ്പെടുത്തി പണം ആവശ്യപ്പെടുകയും ചെയ്തുവെന്നാണ് പരാതി.
2015- മുതല്‍ ഇവര്‍ പരിചയത്തിലായിരുന്നു. നേരത്തെ കുണ്ടറ പൊലിസ് സ്റ്റേഷനില്‍ സമാനമായ കേസില്‍ ഫൈസല്‍ പിടിയിലാവുകയും മൂന്ന് മാസത്തോളം ജയില്‍ ശിക്ഷ അനുഭവിച്ചിട്ടുള്ളയാളാണെന്ന് പൊലിസ് പറഞ്ഞു.
ചവറ എസ്.ഐ ഷഫീക്കിന്റെ നേതൃത്വത്തിലുള്ള പൊലിസ് സംഘമാണ് ഫൈസലിനെ പിടികൂടിയത്. ചവറ കോടതി ഹാജരാക്കി റിമാന്‍ഡ് ചെയ്തു.