തൃശൂര്‍: വിയ്യൂര്‍ സെന്‍ട്രല്‍ ജയിലില്‍ സ്‌കോര്‍പിയോണ്‍ കമാന്റോകള്‍ ചുമതലയേറ്റു.
മുഖ്യമന്ത്രിയുടെ പ്രത്യേക നിര്‍ദേശത്തെ തുടര്‍ന്നാണ് നടപടി.

ജയിലുകളില്‍നിന്ന് കഞ്ചാവും മൊബൈല്‍ ഫോണുകളും പിടിച്ചെടുത്ത സാഹചര്യത്തില്‍ ജയില്‍ സുരക്ഷയ്ക്ക് സ്‌കോര്‍പിയോണ്‍ കമാന്റോകളെ നിയോഗിക്കുമെന്ന് മുഖ്യമന്ത്രി പ്രഖ്യാപിച്ചിരുന്നു. റിസര്‍വ് ബറ്റാലിയനിലെ സ്‌കോര്‍പിയോണ്‍ കമാന്റോ സംഘമാണ് വിയ്യൂരില്‍ ചുമതലയേറ്റത്.
ജയില്‍ കവാടത്തിലെ ഗാര്‍ഡ് റൂമിനു സമീപത്താണ് സ്‌കോര്‍പിയോണ്‍ സംഘം തോക്കുമായി നിലയുറപ്പിച്ചിട്ടുള്ളത്.
ദേഹപരിശോധനയ്ക്കു ശേഷമാണ് ഇനി തടവുകാരെ ജയിലിനുള്ളിലേക്ക് പ്രവേശിപ്പിക്കുക.