പുലിക്കണ്ണി: നാട്ടിലെ അധര്‍മ്മങ്ങള്‍ക്കെതിരെ യുവാക്കള്‍ രംഗത്തിറങ്ങണമെന്ന് പാണക്കാട് സയ്യിദ് സാബിഖലി ശിഹാബ് തങ്ങള്‍ അഭിപ്രായപ്പെട്ടു. എസ്.കെ.എസ്.എസ്.എഫ് പുലിക്കണ്ണി യൂനിറ്റ് സംഘടിപ്പിച്ച ത്രിദിന മതപ്രഭാഷണ പരമ്പരയുടെ സമാപന സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദേഹം. സമാപന സംഗമത്തില്‍ സമസ്ത കേന്ദ്ര മുശാവറ അംഗം ശൈഖുന ചെറുവാളൂര്‍ ഉസ്താദ് മുഖ്യപ്രഭാഷണം നടത്തി. എസ്.കെ.എസ്.എസ്.എഫ് ജില്ല ട്രഷറര്‍ ഉസ്താദ് മഹ്‌റൂഫ് വാഫി വിശിഷ്ടാതിഥിയായി സംബന്ധിച്ചു.
മഹല്ല് ഖത്തീബ് ഉസ്താദ് സലീം ഫൈസി കുമരംപുത്തൂര്‍ അധ്യക്ഷനായി. എസ്.കെ.എസ്.എസ്.എഫ് പാലപ്പിള്ളി മേഖല സെക്രട്ടറി അംജദ് ഖാന്‍, മഹല്ല് സെക്രട്ടറി ഉമര്‍ ഹാജി മേച്ചേരി, ഇല്ല്യാസ് മൗലവി, ഫൈസല്‍ മുസ്‌ലിയാര്‍, റഫീക്ക് വി.കെ, റിയാസ് ഇബ്‌നു മുസ്തഫ, മൂസ വാഫി തുടങ്ങിയവര്‍ സംബന്ധിച്ചു. എസ്.കെ.എസ്.എസ്.എഫ് ജില്ല ജോയിന്റ് സെക്രട്ടറി സൈഫുദ്ദീന്‍ സ്വാഗതവും യൂനിറ്റ് ട്രഷറര്‍ റജീബ് വി.എച്ച് നന്ദിയും പറഞ്ഞു.