ന്യൂഡല്‍ഹി: മെഡിക്കല്‍ വിദ്യാര്‍ഥികളുടെ വാര്‍ഷിക ഫീസ് 11.50 ലക്ഷവും എന്‍.ആര്‍.ഐ വിദ്യാര്‍ഥികളുടെ വാര്‍ഷിക ഫീസ് 20 ലക്ഷവും ആയി ഉയര്‍ത്തി പുതിയ വിജ്ഞാപനം ഇറക്കണമെന്നാവശ്യപ്പെട്ട് കൊല്ലം മെഡിക്കല്‍ ട്രസ്റ്റ് സുപ്രിംകോടതിയെ സമീപിച്ചു. ഫീസ് നിര്‍ണയ സമിതി അന്തിമ തീരുമാനം എടുക്കുന്നത് വരെ 5.60 ലക്ഷത്തിന് വിദ്യാര്‍ഥികളെ പ്രവേശിപ്പിക്കണം എന്ന സര്‍ക്കാര്‍ വിജ്ഞാപനം റദ്ദാക്കണമെന്നും ഹരജിയില്‍ ആവശ്യപ്പെട്ടു.